Энэ өдөр нас баралт нэмэгдсэнгүй, нийт нас баралт 305 байна.

Эдгэж тусгаарлалтаас гарсан хүн 9-р нэмэгдэж 13,910 болж, эмчилгээнд 1103 хүн, шинжилгээнд 22,005 хүн байгаа ажээ.

Шинээр нэмэгдсэн 279 тохиолдолоос 12 нь гадаадаас орж ирсэн хүнээс, 267 нь солонгос дотроосоо илэрчээ.

* Энэхүү өдрийг хүртэл солонгост гадаадаас орж ирсэн коронагийн тохиолдол нийт 2,642 байна.

Сөүлийн Сонбүг дүүргийн Саран Чэил сүмтэй холбоотой 190 коронагийн шинэ тохиолдол бүртгэгдэж, энэ сүмийн коронагийн халдвар авсан нийт хүний тоо 249 болжээ.

8 сарын 7-ны өдрөөс 13-ны өдөр хүртэл энэхүү сүмд айлчилсан бүх хүмүүс өөрийгөө тусгаарлах ёстой бөгөөд аль болох хурдан шинжилгээнд орохыг анхааруулж байна. Зөрчсөн тохиолдолд хуулийн хариуцлага хүлээлгэнэ.

Кёнги аймгийн Юнин хотын Үри Чэил сүмтэй холбоотой коронагийн шинэ тохиолдол 21-ээр нэмэгдэж, энэ сүмийн коронагийн халдвар авсан нийт хүний тоо 126 болжээ.

Кёнги аймгийн Пажү хотын Старбакс(Пажү Ядан ёг дээр байдаг)-тай холбоотой коронагийн тохиолдол 12-р нэмэгдэж, нийт энэ газрын халдвартаны тоо 29 болжээ.

Сөүлийн янчон дүүргийн Дуисэ сүмтэй холбоотой халдварлагч 3-р ихсэж нийт 7 болжээ.

Сөүлийн каннам дүргийн Гулдтрэинтэй холбоотой хавьтагчид дундаас нь 3 хүн нэмэгдэн, янпён гүний бөөнөөрөө уулзсан уулзалттай холбоотой өөрийгөө тусгаарлаж байсан 2 хүнээс корона илэрч, одоог хүртэл нийт 56 хүн болжээ.

Каннам дүүргийн ёгсам дунд байдаг Шинилюүтубил оффистелтай холбоотой 2 хүнээс нэмж корона илэрч, нийт халдвартаны тоо 13 болжээ.

Коронагийн шинж тэмдэг илэрвэл зөвөлгөө авах утас .☏120,1339.

Хүн бүр өдөр тутмын амьдралдаа зайгаа барьж, маскаа зүүж, гараа сайн угааж хэвшвэл халдварт өвчнөөс сэргийлж чадна.

Мэдээллийг Ж.Нармандах, 2020.08.16.