2020.08.15-ны өдөр сөүл жүнру дүүргийн Дунхуа дэлгүүрийн урд "Мүн ерөнхийлөгчийг буулгах болон эрх барих намаа шүүмжилсэн" хэдэн арван мянган хүнтэй том жагсаал боллоо.

Тэр өдөр 2 жагсаал зөвшөөрөл авсан байсан бөгөөд дээрх жагсаал нь дунхуа дэлгүүрийн урд 100-н хүнтэй жагсаал хийнэ гэж зөвшөөрөл авсан байсан ч бодит байдал дээр сүмийн итгэгчидээ эртнээс цуглуулсан байлаа.

Цуглаан зохион байгуулсан тал 1 сая хүн цугларсан гэж байгаа хэдий ч, цагдаагийн газрын мэдээгээр 20,000~30,000 хүн цугларсан гэжээ.

Энэхүү жагсаалын гол зохион байгуулагч нь Христийн холбооны дарга гэж явдаг корона одоо дэлгэрч байгаа Саран Чэил сүмийн Чон пастор болон "Мирэ Тунхаб нам" буюу өмнө нь "Хан нара нам"-г дэмжигчид ажээ.

Тэд коронатай тэмцэж байгаа энэ хэдэн сарын турш хичнээн олон хүний хүч хөдөлмөр, үр хүүхдийнхээ хичээл зүтгэлийг баллаад байгаагаа хараахан ухаараагүй яваа.

Энэхүү тархалтаар сөүл хот болон кёнги аймагт зай барих зэргийг 2 болгож чангатгалаа.

2020.08.15-ны өдөр, корона тархаад байгаа гайхал Саран Чэил сүмийн Чон Гуан Хүн пастор энэхүү жагсаал дээр майк барингуутаа маскаа аваад 2 гараа өргөж үг хэлж байлаа.

Одоогийн байдлаар Саран Чэил сүмийн 800 итгэгчидээс шинжилгээ авсанаас 200 хүнээс нь ковид19 илэрчихээд байна.

Итгэгч нарынх нь шинжилгээ үргэлжилж байгаа учир нэмэгдэх шинжтэй байгаа.

Баг Нын Хү эрүүл мэнд халамжын яамны сайд 16-ны өдрийн 16:30 цагын хэвлэлийн бага хурал дээр саран чэил сүмийн итгэгч нарын 4-ний 1 хувь буюу 25% нь коронагийн халдвартай гарсан учир тэдний шинжилгээг хурдан авах шаардлагатай гэлээ.

Баг сайд" Засгийн газар бүхнээ зориулж шинжилгээ авч, итгэгчидийн хавьтагчдыг судалж байгаа ч, итгэгчидийн тусламж дэмжлэг оролцоо маш чухал байна" гээд сүмээс нэрсийг нь аваад 4000 хүн дотроос 3000 хүнийг тусгаарласан байгаа гэлээ. Мөн " Ковид19 нь өндөр настануудад аюултай нэн ялангуяа 80-аас дээш насныханы хувьд нас баралт 25%-тай байгааг анхааруулж итгэгчидэд гэрээсээ гарахгүй байхыг хүслээ.

Асуудал нь 15-нд болсон олон мянган хүнтэй жагсаалд Саран Чэил сүмээс хэдэн хүн оролцсон нь мэдэгдэхгүй байна. Тиймээс нүдэнд үл үзэгдэх халдвар тархах зэрэг байдал аюултай байна.

Сараны чэил сүмээс сурвалжлага авах гэж очсон А сэтгүүлчийг сүмийн хамгаалагчид нь зодсон хэрэг гарсан бол, халуурч байгаа итгэгчдээ Чон пастор ханиадны эм авч уугаад 4-5 хоногийн дараа шинжилгээ өг гэж хэлсэн тухай мэдээ ч цацагдаад өнгөрсөн.

Чон пастор 8 сарын 3-ны өдөр 253 бүсийн сүмийн удирдагчидтайгаа хийсэн уулзалт дээрээ "8 сарын 15-ны улс төрийн жагсаалыг урьдчилан хэлж, 8 сарын 15-нд бүгд амиа золиосло. Бүхнийг дуусгая. 2 дахь удаагийн шашины шинэчлэлийг бий болгоё" гэж хэлж байжээ.

Саран Чэил сүмийн удирдагч Чон пастор нь өөрөө тусгаарлалтанд байх ёстой атал түүнийгээ зөрчиж 15-ны жагсаал дээр хэлсэн үгэндээ " Эрүүл хүнийг тусгаарлагд гэлээ би зөв зүгээр " гараа алдлан ярьж байлаа.

Тэрээр сүмээс нь олон коронагийн халдвартан гармагц "Манай сүм террорд өртлөө" гээд буруугаа хэн нэгэн рүү өглөө.

Хамгийн наад талын жишээ гэхэд, саран Чэил сүмээс коронатай гарсан нэг итгэгч настаны асрамжын газар өдөр бүр очсон нь мэдэгдэж, 200-н хэдэн хүнтэй настаны газрынхан бүхлээрээ шинжилгээнд орсон зэрэг байдал ноцтой байна.

Баг сайд "Сүм, хоолны газар, зах, сургууль зэрэг олон газрыг хамарсан тархалт орон даяар тархах гэнэтэй"-г анхааруулж байна.

Сөүл хот нь Чон пастор болон саран чэил сүмийг шүүхэд өгсөн байна. Мөн засгийн газрын санал хүсэлтийн сайтан дээр "Чон пасторыг батлан даалтанд гаргасныг цуцлаж дахин хорих"-ыг хүссэн хүсэлт тавигдаж аль хэдийн 100,000 хүн дэмжсэн байна.

Чон пастор нь коронагийн ид тархалтын үед сөүл хот хориглосоор байтал олон мянган хүнтэй жагсаал хийж хууль зөрчин хоригдож байжээ.

Шашинаа улс төрд ашиглах ямар ноцтой үр уршигтайн том жишээ болж байгаа мэт. . .

Солонгост амьдарч байгаа манайхан дор бүрнээ нүдэнд үл үзэгдэх ковид19-н тархалтаас сэргийлнэ үү!!!

Мэдээллийг Ж.Нармандах, 2020.05.17.