Apple компани шинэ iPhone гар утсаа танилцуулах "Hi, Speed" арга хэмжээгээ ирэх долоо хоногт буюу аравдугаар сарын 13-нд хийхээр зарлалаа. Дараагийн iPhone гар утсыг есдүгээр сард танилцуулна гэсэн хүлээлттэй байсан хэрэглэгчдийн хувьд энэ нь гэнэтийн явдал биш юм.

Урьдчилан таамагласнаар шинэ iPhone дөрвөлжин ирмэгтэй, 5G сүлжээг дэмждэг, гадаад хэлбэрийн хувьд iPad Pro-той төстэй байж магадгүй аж. Түүнчлэн дөрвөн өөр загвартай, iPhone 11 гар утаснаас арай жижиг 5,4 инчээс 6,7 инч хүртэлх хэмжээтэй байх юм. Хэрэв 6,7 инч хэмжээтэй байх таамаг үнэн бол энэ нь хамгийн том хэмжээтэй iPhone болно.

Өнгөрсөн сард шинэ iPad, Apple Watch төхөөрөмжүүдээ танилцуулсан Apple компани "Hi, Speed" арга хэмжээгээр шинэ чихэвч, HomePod, AirTags төхөөрөмжүүдээ танилцуулна гэж мэргэжилтнүүд үзэж байна. Мөн зургаадугаар сард компаниас он дуусахаас өмнө ARM дээр суурилсан шинэ Mac компьютероо танилцуулна гэж мэдэгдсэн тул бидэнд гэнэтийн бэлэг барьж мэдэх юм.

Эх сурвалж: TheVerge, Cnet