БНСУ-ын Хүний эрхийн Үндэсний Комисс өнгөрсөн долдугаар сард Кённам мужийн Янсан хотод болсон дунд сургуулийн  Монгол сурагчийг бүлэглэн танхайрсан хэрэгт цагдаа болон сургуулиас зохих арга хэмжээ авсан эсэхийг шалгахаар албан тушаалын шалгалт явуулахаар болжээ.

Хүний эрхийн комисс 22-ны өдөр хэлэхдээ, "Мөрдөн байцаалтын үр дүнд цагдаагийн байгууллагаас авсан анхны хариу арга хэмжээ, хамгаалалтын арга хэмжээ хангалтгүй байна. Өргөдөл гомдлыг шалгах ажиллагаа удааширах шалтгаан болон сургуулийн хүчирхийллийг арилгах үйл явц хэр оновчтой болохыг нарийвчлан шалгах шаардлагатай" гэжээ.

Мөн "Хүүхдийн эрх, ашиг сонирхлыг ямар ч нөхцөлд, үндэс угсаа, харьяалал харгалзахгүйгээр хамгаалах ёстой. Хэрэв албан тушаалын шалгалтаар хохирогчдод анхны тусламж үзүүлэх, хамгаалах арга хэмжээ авах явцад хүний ​​эрх зөрчигдөж байгаа нь тогтоогдвол үүнийг өөрчлөх тухай хуулийг эргэн харахаар төлөвлөж байна” гэсэн байна.

Өнгөрөгч 2-ны өдөр Ерөнхийлөгчийн Хөх ордны олон нийтийн өргөдөл гаргах самбарт “Гадаад улсад төрсөн дунд сургуулийн охиныг боож, 6 цагийн турш хүчирхийлсэн дөрвөн этгээдийг хатуу шийтгэж, хэн болохыг илчлэхийг уриалж байна."гэсэн хүсэлт гаргаж 200.000 хүн дэмжсэн боловч БНСУ-ын хуулиар хэрэгтний хувийн мэдээллийг задруулах зүйл ангид насанд хүрээгүй хүүхэд хамаардаггүй аж.

Э.Нарангарав

Эх сурвалж: 서울신문