Хууль зүйн яамнаас 3 сарын 2-ноос эхлэн "Солонгос улсад оршин сууж буй гадаад иргэдийг улирлын чанартай ажилд ажиллах эрх олгох тогтолцоо"-г хэрэгжүүлэхээр болжээ.

Үүнд айлчлал (F-1), гэр бүл (F-3) визтэй иргэд болон хугацаа нь дууссан ч Ковидоос болж нутаг буцаж чадахгүй байгаа айлчлан ажиллах (Н-2), мэргэжилийн бус ажил эрхлэлт (Е-9) визтэй нийт 79.000 иргэдийг хамруулахаар болжээ.

Энэхүү ажиллах эрхээ авсан иргэд улирлын чанартай ажил буюу газар тариалан, далайн аж ахуйн салбарт ажиллах бөгөөд 3 сарын 2-ноос 2022 оны 3 сарын 31 хүртэл ажиллах эрхтэй болох гэнэ.

Цалин хөлсний хувьд ажлын хөлсний доод хэмжээнээс дээгүүр олгох бөгөөд Үйлдвэрийн ослын даатгалд хамруулж, шаардлагатай тохиолдолд орон байраар хангах боломжтой аж.

Энэхүү хөтөлбөрт хамрагдаж улирлын чанартай ажил 90 хоногоос илүү хийсэн иргэд дахин хил нэвтрэхэд хялбар байх бөгөөд илүү давуу тал болно хэмээн мэдэгджээ.

Э.Нарангарав

Эх сурвалж: 파이낸셜뉴스