Монгол Улс “Энгийн паспорт эзэмшигчдийг жуулчны визийн шаардлагаас чөлөөлөх тухай Монгол Улс болон Бүгд Найрамдах Перу Улс хоорондын хэлэлцээр”-ийг 2021 оны 5 дугаар сарын 26-ны өдөр Бээжин хотноо байгуулав.

Хэлэлцээрт талуудыг төлөөлж Монгол Улсаас Бүгд Найрамдах Хятад Ард Улсад суугаа Онц бөгөөд Бүрэн эрхт Элчин сайд Т.Бадрал, Бүгд Найрамдах Перу Улсаас Монгол Улсад хавсран суугаа Элчин сайд Луис Кесада нар гарын үсэг зурав.

Энэхүү “Хэлэлцээр”-ийн дагуу энгийн паспорт эзэмшигч иргэд 90 хүртэлх хоногийн хугацаанд харилцан визгүй зорчих нөхцөл бүрдэж байна.

Монгол Улс нь Бүгд Найрамдах Перу Улстай 1997 оны 5 дугаар сарын 30-ны өдөр дипломат харилцаа тогтоосон.

Мөн 2013 оны 4 дүгээр сард "Дипломат албан паспорт эзэмшигчдийг визийн шаардлагаас чөлөөлөх, 30 хоног визгүй зорчих тухай Монгол улсын ЗГ болон Пери улсын ЗГ хоорондоо хэлэлцээр хийж байсан бөгөөд 2014 оны 3 сараас 90 хоног болгож байжээ.

Харин одоо энгийн паспорттай иргэд 90 хүртэлх хоног визгүй зорчих боломжтой боллоо.

Э.Нарангарав

Эх сурвалж: Монгол улсын гадаад харилцааны яам